Ása Guðbjörg Ellerup, eiginkona Rex Heuermans sem grunaður er um að hafa orðið fjórum konum að bana á Long Island í Bandaríkjunum, hefur sótt um skilnað frá eiginmanni sínum.

Frétt af mbl.is

Íslensk kona gift manni sem er grunaður um fjögur morð

Samkvæmt Fox sótti Ása Guðbjörg um skilnað frá Heuerman í gær en þar er haft eftir lögmanni Ásu þar sem hann segir lífi fjölskyldunnar hafa verið snúið á hvolf.

Þá er greint frá því að lögreglan hafi lokað heimili fjölskyldunnar af í um viku og tekið vegabréf, síma og tölvur.

Húsleit var gerð á heimili Ásu Ellerup og Rex Heuermann um helgina. AFP/Yuki Iwamura

Gift í 27 ár

CNN greinir frá því að Ellerup og Heuerman hafi verið gift í 27 ár en lögreglan telji að fjölskyldan hafi ekkert vitað um gjörðir Heuermans. Lítið sé þó hægt að útiloka að svo stöddu.

Heuerman var handtekinn 14. júlí síðastliðinn og lýsti yfir sakleysi sínu í dómsal degi síðar og var úr­sk­urðaður í gæslu­v­arðhald án mögu­leika á að vera lát­inn laus gegn trygg­ingu.

Hann er ákærður fyr­ir morðið á Mel­issu Barthelemy sem hvarf árið 2009 sem og Meg­an Waterman og Amber Costello sem hurfu árið 2010. Þá er hann grunaður um morðið á Maureen Brainard-Barnes sem hvarf 2007. All­ar voru þær á þrítugs­aldri og voru að sögn sak­sókn­ara vestra vænd­is­kon­ur.

Tengdar fréttir

Rex Heuermann

Ása Ellerup flutt út og ætlar að selja húsið

• Bjó til „skipulagsskjal“ fyrir morðin
• Ákærður fyrir tvö morð til viðbótar
• Ása heimsækir Rex Heuermann vikulega
• Efast um fjarvistarsönnun Ásu

» Fleiri tengdar fréttir

• Blogga um frétt