Erlent | mbl | 20.7.2023 | 12:10

Myndskeið: Æstur múgur inni í sendiráðinu

Mótmælendur í Bagdad, höfuðborg Írak, réðust inn í sænska sendiráðið í borginni í nótt til að mótmæla fyrirhugaðri Kóranbrennu í Svíþjóð í dag.

Kveikt í sendiráði Svíþjóðar

Mörg hundruð manns söfnuðust saman fyrir framan sendiráðið í nótt til að mótmæla. Margir klifu síðan veggi sem voru í kringum sendiráðið og báru eld að byggingunni.

Fordæma brennu á Kóraninum

Franska fréttaveitan AP birti myndskeið af atburðinum en þar má meðal annars sjá mótmælendur kasta steinum í átt að lögreglu. Myndskeiðið má sjá í spilaranum hér að ofan.

Fréttastofa BBC birti einnig myndskeið af óeirðunum en það má berja augum í spilaranum hér að neðan. Í myndskeiðinu má sjá fólk innan veggja sendiráðsins og reyk stíga upp frá byggingunni.

Mótmæla mótmælum

Eins og áður hefur verið greint frá á árásin í Bagdad rætur sínar að rekja til mótmæla sem eru skipulögð seinna í dag fyrir utan írakska sendiráðið í Svíþjóð, þar sem fyrirhugað er að kveikja í eintaki af Kóraninum og eintaki af írakska fánanum.

Árásin á sendiráðið var skipulögð og framin af stuðningsmönnum sjítaklerksins Muqtada Sadr. Óeirðarlögregla í Írak dældi vatni á mótmælendur með vatnsdælum til að lægja öldur mótmælenda. Yfirvöld í Svíþjóð lýstu því yfir í dag að engan hafi sakað í óeirðunum.