Ása að ganga í gegnum „einstaklega erfitt tímabil“
Setja bókamerki
Jóhanna Kristín Ellerup, systir Ásu Guðbjargar Ellerup, og mágkona Rex Heuermann, segist vera „agndofa“ eftir að Heuermann var handtekinn grunaður um að hafa banað þremur konum fyrir meira en áratug.
Í skriflegu svari til NBC News sagði Jóhanna að hálfystir hennar, Ása, væri að ganga í gegnum „einstaklega erfitt tímabil“.
Heuermann er 59 ára gamall og hefur verið ákærður fyrir morðin á hinni 24 ára gömlu Melissu Barthelemy, hinni 22 ára gömlu Megan Waterman, og hinni 27 ára gömlu Amber Lynn Costello. Lík kvennanna þriggja fundust árið 2010 á Gilgo-strönd á Long Island.
Ása og Heuermann bjuggu í úthverfi í Massapequa ásamt tveimur uppkomnum börnum.
„Ég flakka á milli þess að vilja sárlega að líf frænku minnar og frænda míns færist í fyrra horf, ósnortið, án þess að eiga föður sem er sakaður um að vera raðmorðingi, í að vera ánægð og örugg með að vita að einhver er í gæsluvarðhaldi,“ sagði í svari Jóhönnu.
„Sjálfsmyndin mín á í miklum erfiðleikum með að vinna úr þeirri hugmynd að ég hafi horft í augun á Rex og ekki getað greint neina morð hvata.“
Jóhanna neitaði að tjá sig frekar vegna fjölskyldu sinnar og sagðist ekki vita meira um málið.
Sérstaklega tekið á eldra fólkið
Ása sótti um skilnað stuttu eftir að eiginmaður hennar var handtekinn.
Robert Macedonio, lögmaður Ásu, sagði í yfirlýsingu til NBC News að Ása og fjölskylda hennar væru að ganga í gegnum gríðarlega erfitt tímabil.
„Viðkvæmt eðli handtöku eiginmanns hennar tekur mikið á fjölskylduna tilfinningalega, sérstaklega eldri einstaklinga fjölskyldunnar.“
Telja sig geta rekið Grindavík til 2026
Sleginn yfir grófri framkomu gegn fjölskyldunni
Komu fólki til aðstoðar í Ísafjarðardjúpi
„Allt í rusli“ við brúargerð á Vestfjörðum
Komið „meira púður“ í viðræðurnar
„Einhverjir töfrar sem gerast“
Pólverjar horfa í auknum mæli hingað til lands
Traust til kvenleiðtoga fer minnkandi