Þjóðin í stríði við skógarelda

Tæplega 2.500 manns voru fluttir frá grísku eyjunni Korfú í dag. Forsætisráðherrann varaði við því að þjóin væri í „stríði“ við skógareldana og talaði um að fram undan væru þrír erfiðir dagar. 

Tugþúsundir manna hafa þegar flúið glæður á grísku eynni Ródos sökum eldsvoða, en margir óttaslegnir ferðamenn hafa keppst við að komast heim með flugi. 

Eyjur rýmdar í varúðarskyni

Um 2.400 gestir og heimamenn voru fluttir frá jónísku ferðamannaeyjunni Korfú í dag og í gær, af varúðarráðstöfunum, að sögn talsmanns slökkviliðsins.

Í dag löguðu einnig eldar á næststærstu eyju Grikklands, Evia. 

„Við erum í stríði og erum eingöngu miðuð að eldvígstöðunum,“ sagði Kyriakos Mitsotakis forsætisráðherra Grikklands, á þinginu og varaði við því að þjóðin stæði frammi fyrir „öðrum þremur erfiðum dögum fram undan,“ en þá gera spár ráð fyrir að hitastig fari að lækka. 

500 eldar á 12 dögum

Vassilis Kikilias, almannavarnaráðherra Grikklands, sagði að viðbragðsaðilar hefðu barist við yfir 500 elda í kringum landið í 12 daga.

Langt tímabil mikils hita í landinu hefur aukið hættu á gróðureldum og skilið gesti eftir sem strandaglópa á háanna tíma ferðamanna. 

Stjórnvöld hafa lagt áherslu á hraðan brottflutning í ljósi harmleiksins árið 2018 þegar rúmlega 100 manns fórust í mannskæðustu skógareldum Grikklands í Mati, nálægt Aþenu, sem Mitsotakis sagði í dag að „ásæki okkur öll.“

Ferðum frestað fram á föstudag

Vegna eldanna var hætt við hátíð sem haldin er árlega í Grikklandi í tilefni endurreisnar lýðræðis þar í landi. 

Um 2,5 milljón gesta lögðu leið sína til Ródos árið 2022, en eyjan er ein stærsta ferðaeyja Grikklands. Nú hefur ferðaskrifstofan TUI frestað öllum ferðum þangað fram á föstudag. 

• Blogga um frétt