Loftlagsaðgerðasinninn Greta Thunberg viðurkenndi fyrir dómi í dag að hún hafi óhlýðnast lögreglu á mótmælafundi í Malmö í síðasta mánuði en neitar alfarið að hafa brotið lög.

Thun­berg var fyrr í mánuðinum ákærð fyr­ir að óhlýðnast lög­regl­unni á lofts­lags­mót­mæl­um í Mal­mö í júní. 

Greta Thunberg var handtekin í júní. AFP/Johan Nilsson

„Ég hlýddi ekki“

„Það er rétt að ég var á þessum stað á umræddum tíma og að er rétt að ég fékk fyrirmæli sem ég hlýddi ekki. En ég neita því að hafa brotið lög,“ sagði hún fyrir héraðsdómi í Malmö þegar hún var spurð út í sakir sem á hana eru bornar.

Sagði Thunberg að aðgerðir hennar hefðu verið nauðsynlegar vegna hamfarahlýnunar.

Mót­mæl­in sem Thun­berg tók þátt í voru á veg­um um­hverf­is­vernd­ar­sam­tak­anna „Ta til­baka framti­den“, sem má útleggja á íslensku sem „end­ur­heimt­um framtíðina“. Var ætl­un mót­mæl­enda að loka inn- og út­göngu­leið að höfn­inni í Mal­mö og mót­mæla þannig notk­un jarðefna­eldsneyt­is. 

Frétt af mbl.is

Greta Thunberg ákærð vegna loftslagsmótmæla

Tengdar fréttir

Loftslagsvá

„Við erum á leið til glötunar“

• Berjast áfram gegn hlýnun þrátt fyrir sigur Trumps
• Norsk losun ekki minni síðan 1990
• Norrænu ríkin verði að grípa til aðgerða
• „Víðsfjarri“ markmiðinu árið 2030

» Fleiri tengdar fréttir

• Blogga um frétt