Kínverski utanríkisráðherrann leystur frá störfum

Qin Gang hefur stigið til hliðar sem utanríkisráðherra Kína. Ekki hefur sést til hans í tæplega mánuð og hafa ýmsar kenningar verið á lofti um ástæður fjarveru hans.

Frétt af mbl.is

Ekkert heyrst af utanríkisráðherranum

Gang, sem hef­ur verið tal­inn ná­inn bandamaður Xis Jin­pings Kína­for­seta, var skipaður í embættið í des­em­ber. 

Xi hefur þegar í stað skipað Wang Yi í embætti utanríkisráðherra samkvæmt kínverska fréttamiðlinum Xinhua. Yi hefur verið framkvæmdastjóri Kommúnistaflokksins síðan í janúar á þessu ári. 

Wang Yi, nýr utanríkisráðherra Kína. AFP

Síðast var vitað um ferðir hans þann 25. júní.

Ekki er óal­gengt að hátt­sett­ir emb­ætt­is­menn hverfi í Kína til lengri tíma án út­skýr­inga. Xi Jin­ping hvarf sjálf­ur stuttu eft­ir að hann tók við for­seta­embætt­inu árið 2012. 

Frétt BBC

• Blogga um frétt