Þýsk stjórnvöld hafa stöðvað alla fjárhagsaðstoð til Níger vegna valdaránsins sem var framið í landinu í síðustu viku. Rússnesk stjórnvöld biðla til „allra hliða“ í átökunum í Níger um að sýna taumhald.

Þau vara þýsk stjórnvöld einnig við því að það geti gripið til hertari aðgerða gegn landinu.

Talsmaður þýska utanríkisráðuneytisins sagði á blaðamannafundi í dag að Þýskaland hafi „stöðvað allar beinar greiðslur til nígersku ríkisstjórnarinnar þar til annað væri tilkynnt“ . Einnig var tilkynnt að þýsk stjórnvöld hafi stöðvað alla samvinnu með Níger, sem er eitt fátækasta land heims.

Frétt af mbl.is

Gefa herstjórninni viku til að afsala sér völdum

Viðbragð við „versnandi öryggisástandi“

Greint var frá því á mbl.is í síðustu viku að Ama­dou Abdrama­ne, und­irof­ursti í níg­erska hern­um, hefði sagt í sjón­varps­ávarpi aðfaranótt fimmtu­dags að varn­ar- og ör­ygg­is­sveit­ir lands­ins hefðu ákveðið að setja Mohamed Bazoum forseta af.

Abdoura­hama­ne Omar Tchi­ani, hers­höfðingi og yf­ir­maður líf­varðasveita for­set­ans, ávarpaði síðan níg­er­ísku þjóðina á föstu­dag og lýsti sig sem nýj­an leiðtoga lands­ins. Bazoum forseta hefur verið haldið í gísl­ingu í embættisbústað sín­um síðan á miðviku­dag.

Tchiani segir að valdaránstilraunin sé viðbragð við „versnandi öryggisástandi“ lands­ins í sam­bandi við blóðsút­hell­ing­ar Ji­hadista á Sahelösvæðinu, auk spill­ing­ar og slæms efna­hags­ástands í landinu. Um er að ræða þriðja valdaránið á Sahel-svæðinu á þremur árum.

Frétt af mbl.is

Hershöfðingi lýsir sig sem nýjan leiðtoga landsins

„Allar hliðar“ leggi niður vopnin

„Við köllum eftir því að réttarríkið verði aftur komið á fót í landinu fljótlega og aðhaldi frá öllum hliðum svo að þetta leiði ekki til mannfalls,“ segir Dmitrí Peskov, talsmaður Rússlandsforseta. 

Leiðtog­ar Vestur-Afr­íku­ríkja hafa gefið her­for­ingja­stjórn­inni í Níg­er viku­frest til þess að láta af hendi völd í land­inu.

„Það sem er að gerast [í Níger] er gríðarstórt áhyggjuefni,“ sagði Peskov.

Herforingjastjórnin hefur ásakað Frakkland, fyrrverandi nýlenduherra Nígermanna, um að vilja beinar „hernaðarí­hlut­un­ í land­inu“ í kjölfar valdaránsins.

Tengdar fréttir

Valdarán í Níger

Vísa Níger úr Afríkubandalaginu

• Hugsanlegar friðarviðræður á morgun
• Tilbúinn að stilla til friðar
• Saka Frakka um að hafa frelsað hryðjuverkamenn
• Blinken varar við Wagner

» Fleiri tengdar fréttir

• Blogga um frétt