Erlent | AFP | 1.8.2023 | 10:20 | Uppfært 12:12

Frakkar undirbúa brottflutning

Franska ríkisstjórnin fundaði í morgun til þess að ákveða hvernig eigi að flytja franska ríkisborgara úr Níger. Klukkurnar sem eru í vegg í utanríkisráðuneyti Frakklands sýna tímamismuninn á milli Parísar og Niamey. AFP

Frönsk stjórnvöld undirbúa aðgerðir til þess að koma frönskum borgurum úr Níger í kjölfar valdaráns í landinu. Frakkar eru fyrrverandi nýlenduherrar Nígermanna og stjórnvöld hafa lýst yfir áhyggjum af öryggi franskra ríkisborgara í landinu.

Frétt af mbl.is

Segjast hafa rænt völdum

Franska utanríkisráðuneytið sagði að ákvörðunin hafi verið tekin vegna tilraunar til innbrots í franska sendiráðið í Níger og vegna þess að búið er að loka fyrir flugumferð í landinu.

Franska ríkið hefur varað við því að það muni hefna sín ef ráðist verður á franska borgara í Níger.

Nota flugvélar franska hersins

Það eru að minnsta kosti 600 franskir ríkisborgarar staddir í Níger. Ráðuneytið býðst einnig til þess að hjálpa öðrum evrópskum ríkisborgurum við að flýja landið.

Ekki er vitað um neina Íslendinga í Níger samkvæmt upplýsingum frá utanríkisráðuneyti Íslands og þjóðskrá.

Franska ríkisstjórnin fundaði í morgun til þess að ákveða hvernig eigi að flytja Frakka úr Níger. Heimildarmaður AFP-fréttaveitunnar segir að stjórnvöld hyggist nota flugvélar franska hersins til þess að koma ríkisborgurum úr landi.