Nígería hættir að selja rafmagn til Níger
Setja bókamerki
Í kjölfar valdaránsins í Níger hefur nágrannaríkið Nígería ákveðið að hætta útflutningi á rafmagni til landsins. Níger eru nær algerlega háðir Nígeríumönnum um rafmagn, því að um 70% alls rafmagns sem neytt er kemur frá Nígeríu.
Í höfuðborg Níger, Niamey, er nokkur raforkuframleiðsla, en þegar var farið að bera á orkuskorti í ýmsum héruðum landsins fyrir valdaránið. Níger hefur reynt að öðlast sjálfstæði í orkumálum.
Stefna að sjálfstæði í orkumálum
Það á að gerast með því að reisa Kandadji stífluna í ánni Níger (sem landið er kennt við) um 180 kílómetrum frá höfuðborginni. Gangi allt að óskum á að vera lokið við stíflugerðina árið 2025 og mun geta framleitt 629 gígavattstundir á ári hverju.
Ákvörðun Nígeríumanna eru liður í samræmdum aðgerðum ríkja í Vestur-Afríku til að refsa herforingjastjórninni sem steypti lýðræðislega kjörnum leiðtoga Níger í síðustu viku.
Níger er eitt fátækasta ríki heims og vermir gjarnan eitt af neðstu sætunum í vísitölu um þróun lífsgæða (HDI) sem gjarnan er notuð sem viðmið um hagsæld í hverju ríki fyrir sig.
Sólveig Anna furðar sig á aðferðum kennara
Hraun kemur úr þremur gígum: Virknin stöðug
Rússar sagðir útvega N-Kóreu milljón olíutunnur
Hópur fólks reyndi að komast að eldgosinu
Sjötti ferðamaðurinn er látinn
Ekki vandamál að vera karlmaður
Hentugt gos fyrst gýs á annað borð