Sögðu Úkraínumenn hafa ráðist á Kertsj-brúna
Setja bókamerki
Rússneskir fjölmiðlar greindu frá því í kvöld að Úkraínumenn hefðu ráðist á Kertsj-brúna, sem liggur á milli Rússlands og Krímskaga, í þriðja sinn.
Munu íbúar á nærliggjandi svæðum hafa heyrt háværar sprengingar í kvöld.
Birtu þeir meðal annars myndband þar sem nærliggjandi skip voru vöruð við því að árás væri í gangi, og að Úkraínumenn væru að beita bæði sjávardrónum og fljúgandi drónum til árásarinnar. Ef það er rétt er það í fyrsta sinn frá upphafi stríðsins sem báðum tegundum er beitt samtímis til árása á eitt skotmark.
Slökktu yfirvöld á öllum ljósum við brúna um stund vegna árásarinnar í varnarskyni, en búið er að kveikja á þeim aftur.
Christo Grozev, sem leitt hefur rannsóknir miðilsins Bellingcat í málefnum Rússlands, sagði á Twitter-síðu sinni í kvöld, að rússneskir herbloggarar segðu að þrír sjávardrónar hefðu verið sendir til árásarinnar, en að jafnframt hefðu borist tíðindi um að einn sjávardróni hefði hæft rússneskt olíuflutningaskip. Velti Grozev upp þeim möguleika að skipið hefði verið hið fyrirhugaða skotmark árásarinnar.
Fyrr í dag var greint frá því að úkraínskir sjávardrónar hefðu hæft rússneskt liðsflutningaskip, sem hallaði mjög eftir árásina á leið sinni til hafnar.
Uppfært:
Svo virðist sem að drónaárás Úkraínumanna í gærkvöldi hafi ekki beinst að Kertsj-brúnni sjálfri, heldur að rússneska olíuflutningaskipinu SIG.
Erfitt að rifja atvikið upp
„Gríðarlega jákvæðar fréttir“
Án fordæma á lýðveldistímanum
„Það þarf ekki að hækka skatta“
Fyrrum yfirmaður glímusambands verður ráðherra
65 fyrirtæki með 11,1 milljarð í skattafrádrátt
Samningafundur eftir 17 daga hlé
Skortur á bílastæðum fælir frá
