Berjast í bökkum vegna verkfalls í Hollywood

Lítil fyrirtæki sem reiða sig á kvikmyndaiðnaðinn í Hollywood berjast í bökkum þegar verkfall handritshöfunda í Mekka kvikmyndaiðnaðarins hefur staðið yfir í 100 daga. Um miðjan júlí lögðu leikarar í SAG-AFTRA stéttarfélaginu einnig niður störf.

AFP greinir frá.

Frétt af mbl.is

Verkfallið gæti staðið yfir til áramóta

Vonast til að semjist sem fyrst

Tom Malian, sem rekur fatahreinsun í Hollywood, segir að nærri 70% af viðskiptunum komi frá kvikmyndaverunum. Hann segist vera í miklum vandræðum og vonast til að semjist sem fyrst.

Boris Sipen, eigandi glæsikerruleigu, segir að tímasetningin sé hræðileg því um leið og hægðist á viðskiptunum vegna verkfallsins hafi allur kostnaður í tengslum við reksturinn hækkað til að mynda tryggingar og söluverð bifreiða.

• Blogga um frétt