Að minnsta kosti 93 hafa látið lífið í eldinum í bænum Lahaina á eyjunni Maui í Havaí. Yfir 2.200 bygg­ing­ar hafa skemmst eða gjör­eyðilagst.

BBC greinir frá.

Frétt af mbl.is

89 látnir í mannskæðustu skógareldunum í 100 ár

Um er að ræða mannskæðustu skógarelda sem orðið hafa í Bandaríkjunum síðustu 100 ár. Tjónið er metið á um 5,5 millj­ón­ir banda­ríkja­dala, sem sam­svar­ar rúm­um 730 millj­ón­um ís­lenskra króna. 

Á myndbandi má sjá þá sviðnu jörð sem eldurinn hefur skilið eftir sig.

Dauðsföllum fjölgar „umtalsvert“

Josh Green, ríkisstjóri Havaí, varar við því að tala látinna gæti hækkað „umtalsvert“. Jafnframt á enn eftir að bera kennsl á þá sem látið hafa lífið. Fjölda manns er enn saknað.

„Þetta er ómögulegur dagur,“ segir Green. „[Eldurinn] mun fyrir víst vera versta náttúruváin sem Havaí hefur staðið frammi fyrir.“

„Við getum aðeins beðið og stutt við þá sem lifa. Áherslan okkar núna er að sameina fólk þegar við getum og veita því skjól og læknisaðstoð, og síðan snúum við okkur að endurbyggingu.“

Tengdar fréttir

Gróðureldar á eyjunni Maui

Fjórir milljarðar í bætur vegna skógareldanna

• 388 enn saknað eftir eldana á Havaí
• Forsetahjónin halda til Havaí
• Birta nöfn látinna á Maui
• Yfir hundrað fundist látin

» Fleiri tengdar fréttir

• Blogga um frétt