Skilaboð sýna fram á sekt Trump
Setja bókamerki
Saksóknarar í Atlanta-borg í Bandaríkjunum hafa undir höndum textaskilaboð og tölvupósta sem eiga að sýna fram á tilraunir liðsmanna í lögmannateymi Donald Trump, fyrrverandi Bandaríkjaforseta, til þess að hafa áhrif á forsetakosningarnar þar í landi árið 2020.
CNN greinir frá þessu.
Búist er við því að Fani Willis, saksóknari í Fulton-sýslu, fari fram á ákæru á hendur fleiri en tólf einstaklingum er hún og teymið hennar mun flytja málið fyrir kviðdómi í næstu viku.
Saksóknara í Georgíu-ríki hafa lengi grunað að teymi Trump hafi haft áhrif á niðurstöður forsetakosninganna í ríkinu árið 2020. Saksóknarar telja að teymi Trump hafi útvegað aðgang að kosningakerfi sem hafði að geyma viðkvæmar upplýsingar.
Sendi lögmönnunum „skriflegt boð“.
Textaskilaboðin og önnur gögn sýna fram á hvernig lögmenn Trump og aðrir í teymi hans fengu aðgang að kerfinu nokkrum dögum fyrir 6. janúar árið 2021, er stuðningsmenn Trump réðust á þinghúsið í Washington-borg.
Aðgangurinn að kosningakerfinu var hluti af aðgerðum stuðningsmanna Trump til að seinka kosningasigri Joe Biden.
Samkvæmt heimildum CCN sendi fulltrúi kosninganna í Coffee-sýslu lögmönnum Trump „skriflegt boð“ sex dögum áður en þeir fengu aðgang að kosningakerfinu.
Saksóknarar hafa fordæmt vinnubrögð einstaklinga sem tengjast málinum, þar á meðal Misty Hampton sem sendi lögmönnunum skriflega boðið.
Rússar sagðir útvega N-Kóreu milljón olíutunnur
Hópur fólks reyndi að komast að eldgosinu
/frimg/1/53/8/1530849.jpg)
Fatlaður drengur fær ekki þjónustu í verkfalli
Hraun kemur úr þremur gígum: Virknin stöðug
Hentugt gos fyrst gýs á annað borð
Sólveig Anna furðar sig á aðferðum kennara
Dómur þyngdur um þrjú ár
/frimg/1/53/8/1530844.jpg)
Myndir: Náttúrulegur þröskuldur að taka við