Erlent | AFP | 18.8.2023 | 21:16

Hugsanlegar friðarviðræður á morgun

Leiðtogar Vestur-Afríkuríkja á ECOWAS-fundinum í dag. AFP

Efnahagsbandalag Vestur-Afríkuríkja (ECOWAS) mun hugsanlega senda nefnd til Níger á morgun sem hefur það verkefni að ræða við herforingjastjórnina um að stilla til friðar í landinu.

Greint var frá því um síðustu helgi að Omar Tiani, sjálfskipaður þjóðarleiðtogi Níger, hefur sagst tilbúinn að skoða friðsælar lausnir á deilum landsins við ECOWAS.

Þarf tvo til að dansa tangó

„Á morgun er möguleiki á því að sendinefnd ECOWAS-bandalagsins fari til Níger til þess að reyna að koma á friðsamlegri enduruppbyggingu stjórnskipulegrar reglu,“ segir Abdel-Fatau Musah, talsmaður ECOWAS, í dag.

„Við erum tilbúin að leysa vandamálið friðsamlega en það þarf tvo til að dansa tangó.“

Hinn 26. júlí var Mohammed Bazoum, forseti Níger, tekinn í gíslingu af lífvarðasveitum sínum og frömdu herforingjar valdarán í landinu. ECOWAS hefur ekki útilokað að nota vald til þess að koma Bazoum aftur í forsetaembættið.

ECOWAS gaf herforingjastjórninni vikufrest til þess að láta völdin af höndum. En nú er sá frestur er sá frestur lönguliðinn og hefur bandalagið sett heri sína í viðbragðsstöðu.