Prigósjín segist mættur til Afríku
Setja bókamerki
Jevgení Prigósjín, leiðtogi Wagner-málaliðahópsins sendi í gær frá sér myndband, þar sem hann sagðist vera kominn til Afríku. Sagðist hann safna liði til þess að berjast fyrir frelsi Afríkumanna.
Í myndbandinu má sjá Prigósjín standa í eyðimörk, íklæddan herklæðum og með riffil í hendi.
Af orðum hans að dæma er hann staddur í Afríku ásamt Wagner-liðum, þó segir hann ekki nákvæmlega hvar í heimsálfunni hann sé staddur. Er þetta fyrsta myndskeiðið sem birst hefur af Prígósjín frá uppreisn Wagner-málaliða í Rússlandi í júní.
Breska dagblaðið The Telegraph greinir frá því að enn eigi eftir að staðfesta hvort myndbandið sé ósvikið, en birtir myndbandið á YouTube-rás sinni.
Segjast gera líf Isis að martröð
„Hitastigið er yfir 50, eins og við viljum hafa það. Wagner-málaliðahópurinn eykur mátt Rússlands í öllum heimsálfum og [gerir] Afríku enn frjálsari,“ segir Prígósjín í myndskeiðinu.
„Réttlæti og hamingju fyrir afríska fólkið. Við erum að gera líf Isis og al-Qaeda og annarra ræningja að martröð.“
Segir hann málaliðahópinn nú safna liði. Myndbandinu fylgir símanúmer fyrir þá sem vilja ganga til liðs við málaliðana en myndskeiðinu hefur verið deilt víða á samfélagsmiðlinum Telegram.
Staðsetning Prigósjíns lengi hulin
Mikil leynd hefur hvílt yfir staðsetningu Prigósjíns síðan hann reyndi að fremja valdarán í heimalandi sínu í júní, sem síðan rann út í sandinn eftir sólarhring.
Úkraínskir landamæraverðir sögðu í júlí að málaliðarnir væru komnir til Hvíta-Rússlands og myndir af Prigósjín hafa verið í dreifingu þar sem hann sést ræða við opinbera starfsmenn Suður-Afríku– myndir sem á þó enn eftir að sannreyna.
Á þriðja hundrað strikuðu yfir eða færðu Þórð
Veltir því fyrir sér hvaða Samfylking verði á þingi
Þungir dómar í Sólheimajökulsmáli
„Við bara reynum að þrýsta þessu fram“
Voru með 5 sjúkrabíla í verkefnum á brautinni
Var ráfandi við Alþingi eins og innbrotsþjófur
Gosmengun berst til norðurs og norðvesturs
Fundar með Þorgerði og Ingu eftir hádegi
