Framlengja gæsluvarðhald yfir Gershkovich
Setja bókamerki
Rússneskir dómstólar hafa framlengt gæsluvarðhald yfir bandaríska fréttaritaranum, Evan Gershkovich, um þrjá mánuði. Gershkovich var handtekinn fyrir meintar njósnir fyrr á árinu.
Gershkovich starfaði sem fréttaritari í Moskvu fyrir bandaríska miðilinn The Wall Street Journal og hélt áfram að segja fréttir frá landinu eftir að Rússland hóf innrásina í Úkraínu.
Alræmt fangelsi
Fréttaritarinn hefur setið í rússnesku fangelsi síðan í mars á þessu ári, en dómari hefur nú úrskurðað hann í gæsluvarðhald þar til 30. nóvember, eða þar til staðan verður metin að nýju.
Gershkovich er fyrsti vestræni fréttaritarinn síðan á Sovétárunum, sem hefur verið ásakaður fyrir njósnir og hefur hann setið í hinu alræmda Lefortovo-fangelsi, en fangelsið er sagt halda föngum sínum í nær algjörri einangrun.
Sáu Gershkovich
Fréttamönnum AFP-fréttastofunnar var meinaður aðgangur í réttarsalinn, en sáu Gershkovich þar sem hann var leiddur fyrir dóm íklæddur gallabuxum og köflóttri skyrtu. Lögmaður Gerskovich veitti ekki viðtöl að réttarhöldum loknum.
Joe Biden, Bandaríkjaforseti, ásamt öldungadeild Bandaríkjaþings hafa kallað eftir lausn Gershkovich og fordæmt handtökuna.
Nýtt húsnæði sprungið eftir árs starfsemi
/frimg/1/50/18/1501838.jpg)
Körturnar geta verið eitraðar hundum og köttum
Vilja að hlustað sé á kröfur íbúa
Tekur tilkynningu Veðurstofunnar með fyrirvara
3,4 stiga skjálfti í Bárðarbungu
Íbúar í Grafarvogi ósáttir við þéttingu
Ófyrirséð innherjasvik á markaði
Málatilbúnaður stóðst ekki skýrleikakröfur