Þyngsti dómurinn til þessa
Enrique Tarrio, t.v., og Joe Biggs, t.h., hafa báðir hlotið þunga fangelsisdóma vegna innrásarinnar í þinghúsið í Washington. Myndin er tekin á mótmælendafundi árið 2019.
AFP/John Rudoff
Setja bókamerki
Enrique Tarrio, fyrrverandi leiðtogi Prod Boys-samtakanna, hlaut í dag 22 ára fangelsisdóm fyrir þátttöku sína í innrásinni í þinghúsið í Washington 6. janúar 2021. Þetta er þyngsti dómurinn sem fallið hefur í tengslum við innrásina í þinghúsið.
Saksóknari fór fram á 33 ára fangelsisdóm yfir Tarrio en verjandi hans óskaði þess að hann fengi ekki meira en 15 ár í fangelsi.
Proud Boys-samtökin leiddu innrásina inn í þinghúsið og var Tarrio leiðtogi þeirra.
Tarrio og fjöldi annarra liðsmanna Proud Boys-samtakanna voru sakfelldir í maí vegna innrásarinnar. Í síðustu viku var Ethan Nordean dæmdur í 18 ára fangelsi. Stewart Rhodes, einnig liðsmaður Proud Boys, var sömuleiðis dæmdur í 18 ára fangelsi fyrr á þessu ári.
Ný ríkisstjórn kynnt á morgun
Beint: Ný ríkisstjórn á Bessastöðum
Funda með þingflokkum
„Börn heima sem maður myndi vilja hafa í skjóli“
Stóðu skógarþjófa að verki
„Tímabil aukinnar eldvirkni“
Nágrannaþjóðir upplýstar en við vöðum í blindni
Helgi Magnús mætir til starfa í dag
