Ásókn í megrunarlyf styrkir efnahag Dana
Setja bókamerki
Mikil ásókn í sykursýkis -og megrunarlyf frá danska lyfjafyrirtækinu Novo Nordisk hefur gert það að verðmætasta fyrirtæki Evrópu.
Þessi mikla eftirspurn hefur reynst mikil innspýting fyrir efnahaginn í Danmörku.
„Ef það væri ekki fyrir Novo Nordisk þá hefði enginn vöxtur orðið á fyrstu sex mánuðum ársins,“ segir Lars Olsen, aðalhagfræðingur Danske Bank, í samtali við AFP fréttaveituna.
Hagnaður Novo Nordisk hefur aukist jafnt og þétt og því ber að þakka tveimur eftirsóttum lyfseðilsskyldum lyfjum, sykursýkislyfinu Ozempic og offitulyfinu Wegovy.
Stærsti skattgreiðandi landsins
Novo Nordisk-áhrifin má glöggt sjá í ríkiskassa Dana en fyrirtækið er stærsti skattgreiðandi landsins. Novo Nordisk, sem er stærsti insúlínframleiðandi í heimi, jók sölu á offitumeðölum sínum um 157 prósent á fyrri helmingi ársins.
Samkvæmt Alþjóðaheilbrigðismálastofnuninni þjáist meira en milljarður manna af offitu og meira en 530 milljónir manna af sykursýki.
Samkvæmt opinberum tölum jókst hagvöxtur í Danmörku á fyrri hluta ársins um 1,7 prósent á milli ára en ef lyfjaiðnaðurinn er undanskilinn dróst hann saman um 0,3 prósent.
Tjón eftir úrkomumet: „Landslagið er gjörbreytt“
Kourani áfrýjar dómnum
Lögreglustjóri gerður afturreka
Frömdu hundruð stríðsglæpa í árásinni
/frimg/1/49/73/1497352.jpg)
Hvorki Rubio né Burgum verða varaforseti
Sveitalubbinn með Hvíta húsið í sigtinu
Palestínskir fánar hengdir upp í óþökk kirkjunnar