Sagður á leiðinni til Rússlands
Setja bókamerki
Kim Jong-un, leiðtogi Norður-Kóreu, er lagður af stað til Rússlands að hitta Vladimír Pútín, forseta Rússlands, að því er segir í norðurkóreska ríkisfjölmiðlinum.
„Hinn virti félagi Kim Jong-un mun hitta og tala við félaga Pútín í heimsókn sinni,“ segir í KCNA. Stjórnvöld í Kreml hafa einnig staðfest að leiðtogi Norður-Kóreu muni funda með forseta landsins á næstu dögum.
Kim ferðast með vígbúinni lest frá Norður-Kóreu. Sérfræðingar í málefnum Norður-Kóreu sögðu um helgina að líklegt væri að þeir myndu hittast í Vladívostok.
Þetta er fyrsta utanlandsferð Kim eftir heimsfaraldur kórónuveiru.
Ráð er gert fyrir að leiðtogarnir muni ræða stríðið í Úkraínu og telja sérfræðingar að Pútín sé á höttunum eftir vopnum sem Norður-Kóreumenn búa yfir en einnig matarbirgðum.
Fundur hafinn hjá kennurum, ríki og sveitarfélögum
Viðtöl við oddvitana í Suðurkjördæmi
Vilja 20 ára dóm í frönsku nauðgunarmáli
Kæling hraunsins þykir skila góðum árangri
Unnið að hraunkælingu allan sólarhringinn
Sendi nektarmyndir af dreng sem hann passaði