Talsmaður innanríkisráðuneytis austurhluta Líbíu segir að fleiri en 5.200 manns hafi látið lífið í borginni Derna í kjölfar flóða sökum óveðursins Daníels sem reið yfir á sunnudaginn.

Rauði krossinn og Rauði hálfmáninn hafa gefið það út að allt að 10.000 manns sé þar að auki saknað.

Stór hluti af borginni Derna er á kafi í vatni eftir flóðin. Tvær stíflur og fjórar brýr hafa hrunið. Í kringum 100.000 manns búa í borginni.

Frétt af mbl.is

Þúsundir látið lífið og tíu þúsund saknað

Talan á reiki

Tala látinna er á reiki eftir því hver er spurður, en tvær ríkisstjórnir eru í Líbíu. Ríkisstjórn austurhluta landsins, þar sem óveðrið olli mestum skaða, er sú sem segir að 5.200 manns hafi látið lífið í Derna. Ríkisstjórnin í Tripoli-borg í norðvestur Líbíu segir að 2.600 manns hafi látið lífið.

Tengdar fréttir

Flóð í Líbíu

Handtaka embættismenn vegna flóðanna

• 43.000 hafa misst heimili sín í hamförunum
• Faraldur sjúkdóma gæti fylgt flóðunum
• Neyðarsöfnun fyrir Marokkó og Líbíu
• Halda enn í vonina

» Fleiri tengdar fréttir

• Blogga um frétt