Öll viðfangsefni til umræðu á fundinum
Setja bókamerki
Tengdar fréttir
Norður-Kórea
Vladimír Pútín, Rússlandsforseti, og Kim Jong Un, leiðtogi Norður-Kóreu, hittust árla morguns í dag. Búist er við því að vopnasala hafi verið á fundardagskrá.
Leiðtogarnir tveir hittust í Vostochny-geimferðastöðinni í austurhluta Rússlands og veitti Pútín starfsbróður sínum skoðunarferð um stöðina.
Aðstoð við þróun njósnagervihnatta
Fyrir utan geimferðastöðina fengu blaðamenn færi á að spyrja Pútín spurninga. Spurður hvort ræddur yrði sá möguleiki að Rússar myndu aðstoða Norður-Kóreumenn við þróun gervihnatta svaraði Pútín því játandi og bætti við að það væri reyndar ástæðan fyrir fundarstaðnum.
Norður-Kóreumönnum hefur tvisvar mistekist að koma á fót njósnagervihnöttum og því voru margir sem spáðu því að það yrði efni fundarins.
Áhyggjur af vopnasölu
Spurður hvort hernaðarsamstarf, þar á meðal sala hergagna Norður-Kóreu til Rússlands, yrði til umræðu svaraði Pútín að öll viðfangsefni yrðu til umræðu.
Vopnabúr Norður-Kóreumanna hefur valdið nágrannalöndum þeirra miklum ótta og áhyggjum, og tíðari heræfingar þeirra upp á síðkastið hafa ekki bætt úr skák. Áhyggjur eru uppi um að Norður-Kóreumenn útvegi Rússum vopn til að nota í innrás sinni í Úkraínu, í skiptum fyrir aðstoð þeirra í þróun gervihnatta.
Skutu upp tveimur eldflaugum
Á fundi þeirra starfsbræðra lýsti Kim yfir þakklæti sínu fyrir góðar móttökur í Rússlandi og sagði samstarf landanna á milli í öndvegi.
„Ég er þess viss að við munum standa saman í baráttunni gegn heimsvaldastefnu,“ bætti norðurkóreski leiðtoginn við.
Rétt fyrir fundinn skaut norðurkóreski herinn upp tveimur eldflaugum í austurhluta landsins.
Tengdar fréttir
Norður-Kórea
Kæling hraunsins þykir skila góðum árangri
Unnið að hraunkælingu allan sólarhringinn
Þurfa að fjölga um 100 legurými
Fundur hafinn hjá kennurum, ríki og sveitarfélögum
Þrír menn ruddust inn í íbúð í Vesturbænum
„Sá vegur er bæði háll og myrkur“
Íslensk kona handtekin á Tenerife eftir líkamsárás
Létu lofthræðsluna ekki á sig fá