Arkitektinn og grunaði raðmorðinginn, Rex Heu­er­mann, var leiddur fyrir dómara í gær.

Áður en hann gekk út snéri hann sér við og leit yfir réttarsalinn. Það virtist glitta í lítið bros er hann gekk út úr salnum.

Hinn 59 ára gamli Heuermann, sem giftur var hinni íslensku Ásu Ellerup í 27 ár, er ákærður fyr­ir morð á þrem­ur kon­um í svo kölluðu „Gilgo Beach“-máli og er grunaður um morð á einni konu til viðbót­ar. Þá rannsaka yfirvöld hvort Heuermann sé tengdur óleystum morðmálum í Nevada, New Jersey og Suður-Karólínu.

Frétt af mbl.is

Rannsaka tengingar við enn annað mannshvarfið

Skoðað gögn málsins í tvo til þrjá tíma á dag

Heuermann stóð uppréttur í réttarhöldunum klæddur í kakí-buxur og jakkafatajakka. Hann var handjárnaður fyrir aftan við bak. Heuermann, sem hefur lýst sig saklausan af ákærunum, sagði dómara aðspurður að hann hafi sjálfur skoðað gögn málsins gegn sér í tvo til þrjá tíma að meðaltali á degi hverjum. Það var það eina sem hann sagði í réttarhöldunum.

Saksóknari segist hafa látið lögmannateymi Heuermann í té yfir tíu terabæti af upplýsingum til yfirferðar í ágúst, þar á meðal stefnur og dómsskjöl sem telja um 8 þúsund blaðsíður. Við bættust um 5 þúsund blaðsíður í gær, minnisbækur lögreglu og upptökur úr eftirlitsmyndavélum.

Gögn munu halda áfram að hrannast upp fram að næstu réttarhöldum, 15. nóvember, er haft eftir saksóknara Suffolk-sýslu.

CNN
ABC

Tengdar fréttir

Rex Heuermann

Bjó til „skipulagsskjal“ fyrir morðin

• Ákærður fyrir tvö morð til viðbótar
• Ása heimsækir Rex Heuermann vikulega
• Efast um fjarvistarsönnun Ásu
• Fjórða manndrápsákæran vofir yfir

» Fleiri tengdar fréttir

• Blogga um frétt