King kominn heim
Travis King er kominn heim.
AFP/Anthony Wallace
Setja bókamerki
Bandaríski hermaðurinn Travis King er kominn heim til Bandaríkjanna. King hafði verið í haldi í Norður-Kóreu síðan í júlí, eftir að hann hljóp yfir landamærin frá Suður-Kóreu.
Losnaði hann úr haldi Norður-Kóreumanna í gær og var þá kominn til Kína. Nú er hann komin heim til Texas-ríkis í Bandaríkjunum.
Ekki er enn vitað af hverju King ákvað að hlaupa yfir landamærin til Norður-Kóreu, en stjórnvöld þar í landi sögðu hann hafa flúið vegna ómannúðlegrar meðferðar í bandaríska hernum og vegna kynþáttafordóma innan hersins.
CNN hefur eftir tveimur heimildarmönnum að King verði fluttur á Brooke-herspítalann í San Antonio þar sem hann muni fá að aðlagast aðstæðum eftir að hafa verið í haldi.
Stóðu skógarþjófa að verki
„Mamma fór að hágráta“
Spretthópur fjallar um gufubaðsreglur
„Óviðunandi eftirlit með börnum“
Forstjóri bendir á ábyrgð birgja vegna verðhækkana
Stormur á Þorláksmessu en víðast hvar stefnir í hvít jól
Funda með þingflokkum