Ríkisstofnanir loka á miðnætti ef sátt næst ekki

Bandaríkjaþing hefur örfáar klukkustundir til að samþykkja nýtt fjárlagafrumvarp og þar með koma í veg fyrir lokanir ríkisstofnana landsins á miðnætti. Repúblikanar hafa loksins samþykkt bráðabirgðalög en í þeim er fólginn niðurskurður í framlögum til Úkraínu, sem demókratar í öldungadeild þingsins, eru ólíklegir til að samþykkja.

Allar ríkisstofnanir, nema þær allra mikilvægustu, loka á miðnætti, klukkan fjögur um morgun á íslenskum tíma, ef þingmenn ná ekki sáttum. Síðast þurfti að loka rík­is­stofn­un­um ein­mitt af slík­um ástæðum árið 2019.

Lok­an­irn­ar myndu hafa áhrif á millj­ón­ir starfs­manna hins op­in­bera. Einnig gætu þeir sem þiggja mikla aðstoð frá hinu op­in­bera, t.d. aldraðir og ör­yrkj­ar, horft upp á mikla skerðingu í þjón­ustu.

Frétt af mbl.is

Pattstaða á bandaríska þinginu

Samflokksmenn hótað að reka McCarthy

Öldungadeildin og fulltrúadeildin, sem eru und­ir for­ystu sitt­hvors ­flokks­ins, hafa verið í ákveðinni patt­stöðu þar sem lít­ill hóp­ur re­públi­kana í full­trúa­deild þings­ins hef­ur hindrað all­ar bráðabirgðalausn­ir þar til nú.

Kevin McCarthy, leiðtogi repúblikana í fulltrúadeild, boðaði til atkvæðagreiðslu í dag á nýju frumvarpi sem myndi halda ríkisstofnunum opnum í 45 daga með núverandi útgjöldum en að undanskildum fjárframlögum til Úkraínu – sem er mörgum demókrötum hjartans mál.

„Ég bið repúblikana, sem og demókrata, um að leggja flokkspólitíkina til hliðar,“ sagði McCarthy í morgun.

Mikil spenna hefur verið meðal þingmanna repúblikana sem og hafa harðlínuflokksmenn sumir hótað því að fjarlæga McCarthy úr stöðu sinni sem leiðtogi þingflokksins.

„Ef einhver vill fjarlægja [mig] vegna þess að ég vil vera fullorðni einstaklingurinn í herberginu, látið á það reyna,“ sagði McCarthy, er hann reyndi jafnframt að vísa ábyrgðinni um pattstöðuna á Joe Biden Bandaríkjaforseta.

• Blogga um frétt