Síðustu fimm mínúturnar „framúrskarandi“
Setja bókamerki
Donald Trump, fyrrverandi Bandaríkjaforseti, mun mæta aftur á morgun í réttarsal í New York þar sem hann mun áfram svara fyrir ásakanir um fjármálamisferli samkvæmt Fox News. Fyrsti dagur þessa einkamáls hófst í dag.
Trump og synir hans eru sakaðir um að hafa vísvitandi blásið upp verðmæti fasteigna og annarra fjármálaeigna sinna árum saman.
Donald Bender, fyrrverandi endurskoðandi hjá fyrirtækinu sem sá um reikninga Trump-fjölskyldufyrirtækisins, bar í dag vitni um gerð ársreikninga fyrirtækisins um fjárhagsstöðu þess árið 2011 og sagði að stjórnendur þess hefðu að mestu lagt fram innsláttargögnin fyrir reikningana.
Trump virðist ánægður eftir fyrsta dag
Dómarinn í málinu, Arthur Engoron, sagði í lok réttarhaldanna í dag að ríkið þyrfti enn að leggja fram frekari sönnunargögn til að sanna að ársreikningurinn frá árinu 2011 væri innan fyrningarlaga. Greip Trump þessi orð dómarans sem sigur að hluta.
„Síðustu fimm mínúturnar voru framúrskarandi vegna þess að dómarinn féllst í raun á að þau fyrningarlög sem við unnum hjá áfrýjunardómstólnum væru í gildi. Þess vegna er um 80% málsins lokið,“ sagði Trump við fréttamenn eftir að hann yfirgaf dómsalinn.
Ekki var strax ljóst hvað fólst í yfirlýsingu Engorons en einn af lögmönnum Trumps sagði að þetta virtist þýða að dómarinn væri „sammála um að öll viðskipti sem fylgdu með fyrir árið 2014 séu nú dottin úr málinu“.
Réttarhöldin halda áfram á morgun.
Hefur tryggt sér stuðning nógu margra kjörmanna
„Þau eru ónæm fyrir alvarleika málsins“
Framkvæmdir í uppnámi
Einsdæmi að ekki séu samræmd próf
Veitti fá svör um banatilræðið við Trump
Brotin eftir greiningarferlið
Kourani breytir um nafn og horfir til Bessastaða
Neitaði að taka þátt í PISA-könnuninni