Hunter Biden lýsir yfir sakleysi sínu
Setja bókamerki
Hunter Biden, sonur Joe Biden Bandaríkjaforseta, hefur lýst yfir sakleysi sínu í kjölfar ákæru sem gefin var út á hendur honum vegna ólögmætrar byssueignar.
Biden, sem er 53 ára, mætti fyrir dómstól í heimabæ fjölskyldu sinnar í Wilmington í Delaware í dag. Þar hélt hann fram sakleysi sínu í þremur ákærum um glæpi vegna kaupa hans á Colt Cobra-byssu árið 2018.
Þegar Biden festi kaup á byssunni kveðst hann hafa verið í mikilli neyslu eiturlyfja og haft litla stjórn á eigin lífi. Honum er gefið að sök að hafa fært inn rangar upplýsingar á eyðublöðum sem fylgdu byssukaupunum þar sem krafist er að viðkomandi sé ekki undir áhrifum fíkniefna.
Hunter Biden hefur verið reglulega í sviðsljósinu undanfarin misseri vegna ýmissa lagalegra vandræða sem haft gætu áhrif á ímynd föður hans sem hyggst sækjast eftir endurkjöri í kosningunum á næsta ári.
Í kjölfar ásakananna á hendur syni sínum hefur Joe Biden sagst standa þétt við bakið á honum og að hann elski hann fyrir að hafa barist gegn fíknivandanum, sem háð hefur honum um nokkurt skeið.
Óttast að fólk fari aftur að eyða peningum
Leyfa akstur um Vonarskarð eftir 14 ára deilur
Heitt vatn fannst sem gæti annað 10 þúsund manns
Bergur er fallinn
Fyrrum yfirmaður glímusambands verður ráðherra
Gera ekki ráð fyrir að samhljómurinn verði rofinn
