Ætlar ekki að leyfa Trump að leggja sig í einelti
Setja bókamerki
Letitia James, dómsmálaráðherra New York-ríkis, gagnrýndi í dag Donald Trump, fyrrverandi Bandaríkjaforseta, harðlega fyrir gagnrýni hans á fjársvikamáli sem hún höfðaði gegn honum og sagði að hún yrði „ekki lögð í einelti“.
„Donald Trump-þátturinn er búinn,“ sagði James við fréttamenn eftir að Trump yfirgaf réttarsalinn í miðjum réttarhöldunum í dag.
Áður en Trump yfirgaf dómsalinn gagnrýndi hann réttarhöldin og dómarann og sagði réttarhöldin gerð til þess að hnekkja á forsetaframboði hans.
„Ég vil frekar vera í New Hampshire, Suður-Karólínu eða Ohio eða mörgum öðrum stöðum,“ sagði Trump. „En ég er fastur hér vegna þess að ég er með spilltan dómsmálaráðherra.“
Gagnrýni Trumps og Repúblikana á Letitiu James hefur að miklu leyti verið byggð á því að þegar hún bauð sig fram í embætti dómsmálaráðherra árið 2018 þá kallaði hún Trump „ólögmætan forseta“ og kvaðst óhrædd við að „skora hann á hólm“.
Segir ummæli Trumps ýta undir ofbeldi
James svaraði þó ummælum Trumps í dag og sagði: „Ég læt ekki leggja mig í einelti“ og fordæmdi ákvörðun hans um að mæta á opnunardaga réttarhaldanna sem „pólitískt glæfrabragð og tækifæri til fjáröflunar“.
James sagði að persónulegar árásir Trumps á hana í vikunni væru „móðgandi, tilhæfulausar og án staðreynda eða nokkurra sönnunargagna“.
Segir hún að ummæli hans ýti undir ofbeldi og kynþáttafordóma.
„Þetta mál var höfðað einfaldlega vegna þess að þetta er mál þar sem einstaklingar hafa stundað fjársvik. Ég mun ekki sitja aðgerðarlaus hjá og leyfa neinum að grafa undan lögunum,“ sagði James meðal annars.
Neitar alfarið sök
Í réttarhöldunum sem standa nú yfir, hefur Trump verið gefið að sök að hafa logið ítrekað að skattinum, lánveitendum og vátryggingafélögum um margra ára skeið með því að ýkja verðmæti eigna sinna og sona sinna um 812 milljónir bandaríkjadala, sem nema tæplega 113,6 milljörðum íslenskra króna.
Trump hefur ítrekað lýst yfir sakleysi sínu í málinu og eru kosningaauglýsingar nú framleiddar af kosningateymi Trumps til að grafa undir réttarhöldunum.
Kourani breytir um nafn og horfir til Bessastaða
Óráðleg og afdrifarík ákvörðun skólayfirvalda
Neitaði að taka þátt í PISA-könnuninni
Segir umræðuna storm í vatnsglasi
Kæru vættir, færið okkur logn!
Foreldrar skilja ekki einkunnir barna sinna
Einsdæmi að ekki séu samræmd próf