Sendiherra Ísraels í Frakklandi sagði í frönskum fjölmiðlum í dag að land hans væri ekki nógu vel búið undir árásir hryðjuverkasamtakanna Hamas og að leyniþjónustan hefði brugðist. 

Um 100 ísraelskir borgarar hafa látist í árásunum, sem hófust í nótt, og 900 særðir en hátt í 200 Palestínu­menn eru látn­ir í gagnárás­um ísra­elska hers­ins.

„Árásin var óvænt. Við vorum ekki nógu vel búin undir hana, jafnvel ekkert yfirhöfuð,“ sagði Raphael Morav, sendiherra Ísraels í Frakklandi, í samtali við frönsku útvarpsstöðina Europe 1. 

Spurður hvort ísraelska leyniþjónustan hefði gert mistök sagði hann:

„Án efa, án efa... í venjulegu árferði hefðum við verið tilbúin. Þetta verður lexía,“ sagði hann.

Ísraelar svöruðu árásum Hamas, í lofti og á landi, með loftárásum sem eru þær mannskæðustu síðan í maí 2021. 

Tengdar fréttir

Ísrael/Palestína

Sakar dómstólinn um gyðingahatur

• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn

» Fleiri tengdar fréttir

• Blogga um frétt