Volodimír Selenskí, forseti Úkraínu, varaði við því í gær að Rússar myndu aftur reyna að eyðileggja orkuinnviði Úkraínu í vetur. Stjórnvöld í Kænugarði væru að undirbúa hitaveitur landsins.

Innrás Rússa í Úkraínu hófst fyrir tæplega 20 mánuðum. Síðasta vetur beindu Rússar gjarnan spjótum sínum að úkraínskum orkuinnviðum, með þeim afleiðingum að þúsundir Úkraínumanna þurftu að þola frostið, sem getur verið mikið á sumum svæðum landsins.

Er veturinn nálgast hafa áhyggjur af orkuöryggi Úkraínumanna sömuleiðis aukist.

Frétt af mbl.is

Erfiður vetur blasir við Úkraínumönnum

Mikilvægt að vinna þennan vetur

„Í vetur munu Rússnesku hryðjuverkamennirnir aftur reyna að eyðileggja orkukerfið okkar,“ sagði Selenskí í kvöldávarpi sínu í gær. „Við erum meðvituð um hættuna.“

Bætti hann við að stjórnvöld í Kænugarði búi sig undir „verndun orkuveitna og útvegun orku og hita, viðgerð alls þess sem hefur eyðilagst í rússneskum loftárásum og hernaðaraðgerðum“. Þá sagði hann að það væri mjög mikilvægt fyrir fólkið í landinu „að vinna þennan vetur“.

Fyrr í mánuðinum lýstu stjórnvöld áhyggjum af erfiðum vetri sem blasiti við í kjöl­far þess að þrír létu lífið í rúss­neskri flug­skeyta­hríð í sunn­an­verðri Úkraínu og fleiri slösuðust víða í land­inu. Árás­in olli einnig skemmd­um á orku­innviðum lands­ins en of snemmt er að segja til um hvort árásir á orkuinnviði sé ný hernaðaraðgerð Rússa.

Tengdar fréttir

Úkraína

25 hið minnsta særðir eftir árás á íbúðablokk

• Úkraína geti tapað stríðinu með skyndilausnum
• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump
• Gerðu umfangsmikla drónaárás á Kænugarð

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Einhugurinn sem vísbending