Harma notkun fosfórsprengna í Gasa og Líbanon
Setja bókamerki
Mannréttindavaktin harmar notkun Ísraelshers á hvítum fosfór á íbúasvæðum í Gasa og Líbanon sem gæti valdið alvarlegum og langtímaveikindum hjá almennum borgurum. Sé þetta satt hafa Ísraelar gerst brotlegir gagnvart ákvæðum Genfarsáttmálans frá árinu 1949.
Mannréttindavaktin (e. Human Rights Watch) sagði í tilkynningu í vikunni að stofnunin hefði staðfest tvö myndskeið – annað tekið 10. október í Gasa og hitt 11. október í Líbanon. Annað sýni ísraelska herinn beita fosfór við höfn á Gasa og hitt sýni það notað á tveimur stöðum í Líbanon. Vaktin segir slíka notkun á vopninu stofna lífi borgara í hættu.
Ísraelski herinn hefur neitað því að hafa notað slík vopn og segja að ásakanirnar séu „tvímælalaust falskar“.
Eykur hættu gagnvart borgurum
Hvítur fosfór, sem getur ýmist verið notaður sem nokkurs konar reykmerki eða til þess að myrkva fyrir óvininum, en einnig sem vopn, brennur þegar hann kemst í snertingu við súrefni og getur valdið miklum bruna á byggingum, landsvæðum og fólki.
„Notkun á hvítum fosfór á einum þéttbýlasta stað í heimi eykur hættu gagnvart borgurum og brýtur í bága við alþjóðleg mannúðarlög,“ segir í tilkynningunni.
Ekki efnavopn
Hvítur fosfór, súrefni, hefur oft verið notaður til að merkja skotmörk óvina og framkalla reykmökk til að fela hreyfingu hermanna.
Hann getur einnig verið notaður til að kveikja elda en hann getur brunnið í gegnum bein ef hann kemst í snertingu við hold. Hann getur drepið, limlest og eitrað fyrir fórnarlömbum.
Notkun fosfór er bönnuð á svæðum almennra borgara samkvæmt alþjóðalögum.
Hafa notað vopnið áður
Þetta er ekki í fyrsta sinn sem Ísrael notar slíkt vopn. Stjórnvöld í Ísrael viðurkenndu árið 2010 að tveir háttsettir foringjar í her landsins hefðu verið ávíttir fyrir að beita fosfórsprengjum í hernaðinum á Gasa árið áður.
Þá hafa Rússar nokkrum sinnum verið ásakaðir um að beita fosfórsprengjum í stríðinu í Úkraínu.
Dæla, kæla og verja mikilvæg mannvirki
Vonir bundnar við morgundaginn
Auka aðgengi að Grindavík
Ekki hægt að slá gosið út af borðinu strax
Fæðuöryggi: „Áttum mat í þrjár vikur“
Rannsókn á menningarnæturmáli lokið
Koma fyrstu tölur á sunnudagskvöldið?
Hvatti kjósendur til þess að greiða ógild atkvæði