Sextán ára gamli pilturinn, sem handtekinn var í Tullinge í sveitarfélaginu Botkyrka suður af sænsku höfuðborginni Stokkhólmi aðfaranótt föstudags í kjölfar vígs tveggja kvenna á heimili þekkts sænsks listamanns þar, er grunaður um þrjú manndráp.

Fyrir utan téð dráp liggur hann undir grun um að hafa skotið mann til bana nóttina áður í Västberga í Suður-Stokkhólmi auk tveggja tilrauna til manndráps þar sem kona og barn eru sár eftir þá atlögu sem einnig var gerð með þeim hætti að pilturinn ruddist inn á heimili og hóf skothríð. Sænska lögreglan hefur ítrekað rætt þá aðferðafræði glæpagengja undanfarið að beina árásum sínum að ættingjum þeirra er þau troða illsakir við.

Frétt af mbl.is

Handtekinn í leigubíl eftir skotárás

Leigubifreiðarstjóri sem ók með piltinn af vettvangi aðfaranótt föstudags var upphaflega einnig handtekinn en honum sleppt úr haldi á föstudag eftir að sýnt þótti að hann hefði engin saknæm tengsl við málið.

Eins og mbl.is greindi frá á föstudaginn liggur pilturinn undir grun um á þriðja tug annarra brota, flest framin er hann var ósakhæfur aldurs vegna.

Ekki hefur náðst í Helenu Nordstrand saksóknara vegna mála piltsins að sögn sænska ríkisútvarpsins SVT.

SVT

Aftonbladet

AftonbladetII (árásin í Västberga)

Tengdar fréttir

Óöld í Svíþjóð

Þyngstu dómarnir miðað við aldur

• Piltar teknir með skotvopn og sprengiefni í Malmö
• Manndráp orðin pöntunarvara
• 14 ára piltur grunaður um skotárásir
• Ákærður fyrir að myrða tvö börn sín

» Fleiri tengdar fréttir

• Blogga um frétt