Sergei Lavrov, utanríkisráðherra Rússlands, mun heimsækja Norður-Kóreu í þessari viku að sögn utanríkisráðuneytis Rússlands.

Boðið kemur í kjölfar heimsóknar Kim Jon-Un, leiðtoga Norður-Kóreu, til Rússlands í síðasta mánuði en þar átti hann fundi með Vladimír Pútin, forseta Rússlands, og fleiri ráðamönnum.

Lavrov er nú staddur í Peking í Kína á undan væntanlegri heimsókn Pútíns til Kína en Rússlandsforseti vill styrkja viðskiptasambönd ríkjanna í ljósi vaxandi einangrunar frá ríkjum á Vesturlöndum.

Rússar og Norður-Kóreumenn, sem er sögulegir bandamenn, eru báðir undir miklum refsiaðgerðum hjá flestum ríkjum heimsins, Rússar vegna árásar í Úkraínu og Norður-Kóreumenn vegna kjarnorkuvopnatilrauna.

Rússar hafa leitast eftir því að kaupa vopn frá Norður-Kóreu vegna stríðrekstursins í Úkraínu og Norður-Kóreumenn vilja fá aðstoð Rússa við að koma sér upp njósnagervihnöttum og til að smíða kjarnorkuknúna kafbáta.

Tengdar fréttir

Norður-Kórea

Gagnrýnir Vesturlönd harðlega vegna Úkraínu

• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump
• Standa með Rússum þar til sigur vinnst
• „Ögrun sem ógnar alþjóðaöryggi“

» Fleiri tengdar fréttir

• Blogga um frétt