Árás gegn Bandaríkjamönnum eykur á ótta við stríð
Setja bókamerki
Tveir sjálfseyðingardrónar, sem skotið var að bækistöðvum bandarískra hermanna í Írak, voru skotnir niður snemma í morgun.
Nokkrum klukkustundum síðar tilkynnti sveit vígamanna í Írak, studd írönskum yfirvöldum, að hún hefði hafið aðra drónaárás á aðra herstöð. Engar fregnir hafa borist af áverkum í kjölfar hvorugrar árásarinnar.
Bandarískur embættismaður, sem tjáir sig um málið við fréttastofu ABC undir nafnleynd, staðfestir árásina og að komið hafi verið í veg fyrir hana, en kveðst ekki vilja segja hvaða herstöð hafi verið skotmarkið.
Sífellt aukinnar spennu gætir í heimshlutanum og óttinn við að stærra stríð brjótist þar út hefur stigmagnast í kjölfar átaka Ísraels og Hamas-hryðjuverkasamtakanna, segir í umfjöllun miðilsins.
Ógnir víða
Frá upphafi styrjaldarinnar þann 7. október hafa allra augu beinst að Hisbollah, þeim öflugu samtökum líbanskra vígamanna sem njóta stuðnings klerkastjórnarinnar í Íran, og heljarmiklu vopnabúri þeirra.
Árásir samtakanna yfir landamærin við Ísrael hafa verið í takmörkuðum mæli það sem liðið er af átakatímanum.
En vígasveitir í Írak, sem eru sömuleiðis studdar af Írönum, hafa einnig hótað því að ráðast gegn bækistöðvum bandarískra hermanna vegna stuðnings yfirvalda í Washington við Ísrael.
Meiri floti á leiðinni
Varnarmálaráðherra Bandaríkjanna fyrirskipaði á laugardagskvöld öðru flugmóðurskipi, ásamt öllum þeim herskipum sem því fylgja, að hefja siglingu að botni Miðjarðarhafs.
Tekið var fram í tilkynningu að flugmóðurskipið, sem nefnist Dwight D. Eisenhower, myndi sigla til liðs við flugmóðurskipið Gerald R. Ford, stærsta herskip veraldar sem þegar liggur undan ströndum Ísraels.
Foreldrar skilja ekki einkunnir barna sinna
„Það er þá bara alltaf orðrómur“
Brotin eftir greiningarferlið
Mega gefa einkunnir í tölum, bókstöfum og litum
Engar reglur til að takast á við stöðuna
Fossvogslaug ekki í áætlunum Kópavogs
Joe Biden: Slakur námsmaður sem varð forseti