Sænski loftslagsaðgerðasinninn Greta Thunberg hefur verið ákærð fyrir borgaralega óhlýðni í Bretlandi. Ákæran kemur í kjölfar handtöku Thunberg á mótmælum í Lundúnum á þriðjudag. Mótmælin áttu sér stað vegna „Energy Intelligence Forum“, samkomu sem leiðtogar í orkumálum sóttu.

Thunberg var ákærð af Lundúnalögreglunni ásamt 26 öðrum. Hún var ákærð fyrir að hlýða ekki þeim skilyrðum um samkomur sem kveðið er á um í breskum lögum. Henni var sleppt úr varðhaldi gegn tryggingu. Mál Thunberg verður tekið fyrir í réttarhöldum 15. nóvember. 

Mótmælin sóttu mörg hundruð manns. Fyrir handtökuna gagnrýndi Thunberg að stjórnmálamenn og fulltrúar olíuiðnaðarins tækju ákvarðanir bak við luktar dyr. Henni hefur áður verið refsað fyrir að óhlýðnast lögreglu en hún var sektuð í Svíþjóð fyrr í þessum mánuði. 

Frétt af mbl.is

Thunberg sektuð en strax mætt á önnur mótmæli

Greta Thunberg leidd í burtu af lögreglu í Lundúnum. AFP

Tengdar fréttir

Loftslagsvá

„Við erum á leið til glötunar“

• Berjast áfram gegn hlýnun þrátt fyrir sigur Trumps
• Norsk losun ekki minni síðan 1990
• Norrænu ríkin verði að grípa til aðgerða
• „Víðsfjarri“ markmiðinu árið 2030

» Fleiri tengdar fréttir

• Blogga um frétt