Telja Ísrael ekki bera ábyrgð á sprengingunni
Setja bókamerki
Gögn bandarískra leyniþjónusta sýna að stjórnvöld Ísraels eiga ekki sök á sprengingunni sem varð við sjúkrahús í Gasa í gærkvöldi.
Þetta segir talsmaður bandaríska þjóðaröryggisráðsins. Fullyrðingin kemur í kjölfar þess að forsetinn Joe Biden sagði á blaðamannafundi að sprengingin liti út fyrir að hafa orðið sökum eldflaugar sem hópur hryðjuverkamanna skaut á loft.
„Á meðan við höldum áfram að safna upplýsingum, þá er mat okkar núna, byggt á greiningum mynda úr lofti, hlerana og opinberra upplýsinga, þá ber Ísrael ekki ábyrgð á sprengingunni við sjúkrahúsið í Gasa í gær,“ segir talsmaðurinn Adrienne Watson í tísti.
Hitt liðið
„Ég var mjög hryggur og reiður yfir fregnum af sprengingunni á spítalanum á Gasa í gær. Og miðað við það sem ég hef séð þá virðist sem árásin hafi verið framin af hinu liðinu,“ sagði Biden í morgun.
Spurður síðar af blaðamönnum í Tel Avív, hvað hefði gert hann vissan um þetta, svaraði Biden:
„Gögnin sem varnarmálaráðuneytið mitt sýndi mér.“
Palestínsku hryðjuverkasamtökin Hamas hafa fullyrt að nærri fimm hundruð séu látnir eftir sprenginguna. Kenna þau Ísraelum um, en þeir saka vígamannahópinn Íslamskt jíhad um að hafa skotið eldflauginni á loft með þessum afleiðingum.
Bjarni afhenti Kristrúnu lyklana
Telur sér ekki heimilt að úthluta Helga verkefni
Samfylking og Viðreisn gáfu loforð
Ellefu skjálftar síðasta sólarhringinn
Beint: Ný ríkisstjórn tekin við völdum
Var engin kristnitaka árið 1000?
Það er ekkert partí án spurninga!