Íran varar Ísrael og Bandaríkin við
Setja bókamerki
Tengdar fréttir
Ísrael/Palestína
Utanríkisráðherra Írans hefur varað Ísrael og Bandaríkin við því að ástandið í Mið-Austurlöndum geti farið úr böndunum vegna stríðs Ísraels og Hamas.
„Ég vara Bandaríkin og umboðsmenn þeirra [Ísrael] við því að ef þeir stöðva ekki glæpinn gegn mannkyni og þjóðarmorð á Gasa, þá er allt mögulegt hvenær sem er og átökin munu fara úr böndunum,“ sagði Hossein Amir-Abdollahian, utanríkisráðherra Írans, á blaðamannafundi í dag.
Tugþúsundir bíða innrásar
Heilbrigðisyfirvöld á Gasa, sem lúta stjórn hryðjuverkasamtakanna Hamas, segja minnst 4.651 manns hafa fallið í Gasa frá því að stríðið hófst 7. október. Þá séu 14.245 manns særðir.
Ísraelsher tilkynnti í gær að hann hefði fært sprengjuárásir á Gasasvæðið upp á næsta stig. Sagðist herinn vilja draga úr mögulegri hættu sem steðjað gæti að fótgönguliðum þegar þeir munu hefja innrás sína í Gasa.
Tugþúsundir ísraelskra hermanna hafa komið sér fyrir við landamærin að Gasa og bíða þar innrásar sem embættismenn hafa lofað að hefjast muni bráðlega.
Tengdar fréttir
Ísrael/Palestína
„Fólk ætti að fara að öllu með gát“
Biden ávarpar Bandaríkjamenn eftir sigur Trumps
Ekkert ferðaveður á Vestfjörðum og á Norðurlandi
/frimg/1/16/10/1161072.jpg)
Ákærður fyrir líkamsárás sem leiddi til dauða
„Það var ekki dæmt löglegt að mismuna börnum“
Appelsínugular og gular viðvaranir í dag
Evrópuumræðu laumað á dagskrá
Jón Ingi heimsmethafi í mynsturstökki