Ísraelskir skriðdrekar tóku þátt í árás á ákveðin skotmörk á norðurhluta Gasasasvæðisins í nótt, að sögn Ísraelshers.

Í tilkynningu frá hernum kemur fram að árásin sé liður í undirbúningi fyrir innrás hersins á svæðið.

„Hermennirnir yfirgáfu svæðið að aðgerðinni lokinni,“ sagði í tilkynningunni. 

Frétt af mbl.is

Mun þurfa að svara fyrir öryggisbrestinn

Ísraelskir hermenn skammt frá Gasasvæðinu. AFP/Aris Messinis

Benjamin Netanjahú, forsætisráðherra Ísraels, greindi frá því seint í gærkvöldi að auk þess að gera loftárásir á Gasasvæðið ætlaði herinn einnig að ráðast þangað inn.

Hryðjuverkamenn úr röðum Hamas drápu 1.400 manns í Ísrael 7. október, sem voru flestir almennir borgarar og rændu 222 til viðbótar.

Reykur í lofti á norðurhluta Gasasvæðisins. AFP/Ronaldo Schemidt

Meira en 6.500 íbúar Gasasvæðisins hafa nú þegar fallið í loftárásum Ísraela, samkvæmt nýjustu tölum heilbrigðisráðuneytis Hamas á Gasa.

Talsmaður Ísraelshers sagði við AFP-fréttastofuna að þetta væri ekki í fyrsta sinn sem ísraelskir hermenn og skriðdrekar færu inn á Gasasvæðið í takmarkaðan tíma síðan 7. október.

Tengdar fréttir

Ísrael/Palestína

281 hjálparstarfsmaður drepinn á árinu

• Segjast hafa drepið fimm vígamenn
• Sakar dómstólinn um gyðingahatur
• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon

» Fleiri tengdar fréttir

• Blogga um frétt