Donald Trump: „Láttu börnin mín í friði“
Setja bókamerki
Donald Trump, fyrrverandi Bandaríkjaforseti, lét Arthur Engoron, dómara í máli sem höfðað var gegn Trump og sonum hans, heyra það fyrr í dag í aðdraganda vitnisburðar sem Donald Trump Jr, einnig þekktur sem Don Jr, þarf að fara með í réttarhöldum.
Donald Trump er ósáttur við að synir hans þurfi að bera vitni í málinu en Letitia James, saksóknari New York, sem höfðaði málið, sakar Trump og syni hans um að hafa á sviksaman hátt blásið út virði eigna fyrrverandi forsetans sem nemur milljörðum Bandaríkjadala.
Heldur hún því fram að þeir hafi gert það til að reyna að fá fram betri kjör á lánum og tryggingum.
„Engoron er klikkaður, algjörlega óheflaður og hættulegur,“ sagði forsetinn í færslu á samfélagsmiðlinum Truth Social. „Láttu börnin mín í friði, Engoron. Þú ert skömm fyrir lögfræðistéttina.“
Segir alla hafa fengið greitt að fullu
Ef allt gengur samkvæmt áætlun mun Don Jr bera vitni í dag og síðan Eric Trump, annar sonur Donald Trumps, á morgun. Báðir eru titlaðir sem aðstoðarforstjórar fjölskyldufyrirtækisins. Don Jr og Eric Trump tóku við stjórn fyrirtækisins þegar faðir þeirra var kjörinn forseti undir árslok 2016.
Fyrirtækið heitir The Trump Organization og stýrir víðfeðmu neti fyrirtækja sem eru í fasteignabransanum, hótelstarfsemi og með golfvelli um allan heim.
„Bankarnir og tryggingafélögin fengu að fullu greitt, engin vanskil, þau græddu öll peninga og það er ekkert fórnarlamb (nema ég!),“ sagði Trump á Truth Social fyrr í dag. „Ársreikningurinn minn er FRÁBÆR! Það var ekkert svik.“
Bókun 35 enn stjórnarskrárbrot
Björgunarsveitir aðstoða farþega 20 bifreiða
/frimg/1/50/98/1509812.jpg)
Fá misvísandi skilaboð um strætóstöð
Úkraínumenn handtóku norðurkóreskan hermann
Vélarbilun hjá Play setur áramótin í uppnám
Fólk á fleiri en 30 bifreiðum þurfti aðstoð
„Þetta mun allt enda með ósköpum“
Álíta Ísland ekki umsóknarríki
