Dregur athygli frá stríðinu í Úkraínu
Setja bókamerki
Volodimír Selenskí, forseti Úkraínu, sagði fyrr í dag að stríðið á milli Ísraels og og hryðjuverkasamtakanna Hamas hefði stolið athyglinni frá stríðinu í Úkraínu og að það væri einmitt markmið rússneskra stjórnvalda.
„Auðvitað er ljóst að stríðið í Mið-Austurlöndum, þessi átök, eru að fjarlægja athyglina,“ sagði Selenskí á blaðamannafundi með Ursula Von Der Leyen, forseta framkvæmdastjórnar ESB.
Stríðið ekki búið að staðna
Hann hafnaði því svo alfarið að stríð Úkraínu við Rússa hefði staðnað, spurður út í það. Víglínan í stríðinu hefur lítið færst til síðasta árið og einn háttsettur úkraínskur embættismaður varaði við því í vikunni að átökin væru stöðnuð.
„Mikill tími er liðinn, fólk er þreytt... En þetta er ekki pattstaða,“ sagði Selenskí á blaðamannafundinum.
Hann hafnaði því einnig að vestræn ríki væru að þrýsta á hann um að hefja samningaviðræður við Rússa, í ljósi fregna þess efnis að bandarískir embættismenn og ESB-ríkin hefðu rætt við stjórnvöld í Úkraínu um hvað slíkar viðræður myndu hafa í för með sér.
„Engin af vinaþjóðum okkar er að þrýsta á okkur um að setjast niður með Rússlandi, tala við þá eða gefa þeim eitthvað,“ sagði Selenskí.
Nokkrar skriður féllu á Vestfjörðum
„Einhverjir töfrar sem gerast“
Slasað barn fær ekki styrk vegna leigu á hjólastól
Komu fólki til aðstoðar í Ísafjarðardjúpi
Traust til kvenleiðtoga fer minnkandi
Hagsmunir íbúa að leiðarljósi
Deilan enn í hnút eftir tveggja vikna verkföll
Jón „mun ekki koma nálægt meðferð hvalamálsins“
