Hryðjuverkasamtökin Hamas hafa stöðvað flutning almennra ríkisborgara með erlend vegabréf eða tvöfalt ríkisfang frá Gasasvæðinu yfir til Egyptalands um Rafah-landamærastöðina.

Tóku hryðjuverkasamtökin þá ákvörðun eftir að Ísraelsstjórn kom í veg fyrir að stærðir Palestínumenn kæmust yfir landamærin og á spítala í Egyptalandi. 

AFP greinir frá og hefur eftir landamæravörðum við Rafah-landamærastöðina. 

Sagt er að Hamas muni ekki leyfa flutning almennra borgara þar til særðir Palestínumenn fái að fara yfir til Egyptalands á spítala. 

AFP hefur eftir egypskum öryggisverði að engir særðir borgarar hafi fengið að fara yfir landamærin til Egyptalands í dag né nokkur sá með erlent vegabréf.

Sprengdu sjúkrabíl í gær

Sagði hann að hætt hafi verið við flutningana eftir að Ísraelsher sprengdi upp sjúkrabíl sem var á leið með særðan borgara á leið til Egyptalands. Ísraelsher greindi frá aðgerðinni í gær og sagði að sjúkrabíllinn hafi verið notaður af hryðjuverkamönnum innan Hamas. 

Heilbrigðisyfirvöld á Gasa, sem lúta stjórn Hamas-hryðjuverkasamtakanna, segja fimmtán manns hafa látist í sprengingunni og að sextíu hafi særst. 

Tengdar fréttir

Ísrael/Palestína

Sakar dómstólinn um gyðingahatur

• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: ÞAÐ ERU SVONA FRÉTTIR SEM AFHJÚPA HVERS KONAR VILLIMENN ÞESSI …