Þúsundir manna eru enn fastar á stærsta sjúkrahúsi Gasaborgar. Erfitt hefur reynst að koma fólki í öruggt skjól vegna harðra bardaga Ísraelshers og liðsmanna Hamas.

Aðstæður hafa farið versnandi fyrir mörg hundruð sjúklinga sjúkrahússins Al-Shifa ásamt þúsundum annarra sem hafa leitað skjóls á svæðinu.

Frétt af mbl.is

Árásir á Shifa sjúkrahúsið á Gasa

Fólk sem er statt á sjúkrahúsinu sagði við AFP-fréttastofuna í gær að harðir bardagar hefðu geisað þar í allt gærkvöld.

Særð börn flutt á Al-Shifa sjúkrahúsið í Gasa í síðasta mánuði. AFP

Alþjóðaheilbrigðismálastofnunin, WHO, og aðrar stofnanir Sameinuðu þjóðanna hafa varað við því að allt að þrjú þúsund sjúklingar og starfslið séu á sjúkrahúsinu án nægilegs vatns og matar.

„Því miður virkar sjúkrahúsið ekki lengur sem sjúkrahús,” sagði Tedros Adhanom Ghebreyesus, framkvæmdastjóri WHO, og átti við að það væri ekki lengur starfhæft. 

„Það eru liðnir þrír dagar án rafmagns og vatns,” bætti hann við og sagði ástandið ískyggilegt.

Hamas-samtökin segja jafnframt að öll sjúkrahús á norðurhluta Gasasvæðisins séu orðin óstarfhæf.

Tengdar fréttir

Ísrael/Palestína

Vopnahlé talið handan hornsins

• Skutu 250 eldflaugum á Ísrael
• Skotinn til bana eftir skothríð við sendiráð Ísraels
• Á sjötta tug látnir eftir loftárásir Ísraela
• Erdogan fagnar handtökuskipuninni

» Fleiri tengdar fréttir

• Blogga um frétt