Ása heimsótti Heuermann í fangelsi
Setja bókamerki
Ása Ellerup, eiginkona Rex Heuermann, mun vera viðstödd réttarhöldin yfir eiginmanninum. Lögmaður Ásu segir hana vilja sjá með eigin augum hvort sannanir séu fyrir voðaverkunum sem hann er sakaður um að hafa framið. Heuermann er ákærður fyrir að myrða þrjár konur og er grunaður um að hafa orðið valdur að bana fjórðu konunnar.
Í samtali við Daily Mail, segir Robert Macedonia, lögfræðingur Ásu, að hún hygðist hlýða á vitnisburði og sönnunargögn sem komi fyrir dómi til að skera úr um sekt eiginmannsins sjálf, frekar en að hlusta á fjölmiðla, hlaðvarpsþætti eða lögmann fjölskyldna fórnalambanna.
Eyddi um klukkustund með eiginmanninum
Sagði Macedonia Ásu hafa heimsótt eiginmanninn í fangelsi nýverið og eytt um klukkustund með honum. Er það í fyrsta sinn sem hún heimsækir eiginmanninn, en hún sótti um lögskilnað sex dögum eftir handtöku hans.
Heuermann er ákærður fyrir morðið á Melissu Barthelemy sem hvarf árið 2009 sem og Megan Waterman og Amber Costello sem hurfu árið 2010.
Þá er hann grunaður um morðið á Maureen Brainard-Barnes sem hvarf árið 2007. Allar voru þær á þrítugsaldri og voru að sögn saksóknara vændiskonur.
Ábendingar borist vegna leikskóla
Oddvitaviðtöl í Reykjavík suður
Engin læknisþjónusta á heilsugæslunni í verkfalli
Skúli sýknaður en 780 milljóna greiðslum rift
Taka þarf ákvarðanir um framtíð Grindavíkurbæjar
Biðlistar eftir skurðaðgerðum gætu lengst
Víðir gerir upp mistök frá covid-tímanum