Segja innrás á sjúkrahús „glæp gegn mannkyninu“
Frá sjúkrahúsinu Al-Shifa í síðustu viku.
AFP
Setja bókamerki
Hamas-hryðjuverkasamtökin segja hernaðaraðgerð Ísraelshers á sjúkrahúsinu Al-Shifa í Gasaborg vera „stríðsglæp”, „siðferðisglæp” og „glæp gegn mannkyninu”.
Fram kemur í tilkynningu frá Hamas að níu þúsund sjúklingar, starfsfólk og almennir borgarar hafi verið á sjúkrahúsinu þegar ráðist var inn á sjúkrahúsið í skjóli nætur, að því er BBC greinir frá.
Í myndskeiði á samfélagsmiðlinum X segir Izzat al-Rishg, leiðtogi Hamas, að Ísraelar hafi ráðist á aðstöðu fyrir almennra borgara, ekki bækistöð hernaðar.
Í fyrri yfirlýsingu sögðu Hamas að bandarísk stjórnvöld og Joe Biden Bandaríkjaforseti bæru ábyrgð á hernaðaraðgerð Ísraela.
Bæði Ísraelar og Bandaríkin segja Hamas vera með stjórnstöð undir sjúkrahúsinu, en samtökin vísa því á bug.
Sprenging í Leifsstöð: Einn lítið slasaður
Segja KÍ hafa leitt skólakerfið í öngstræti
Kerfisvillan leiðrétt
Uppgjöf gagnvart neyðarástandi: Afdrifarík mistök
Trump talaði fyrir sameiningu í landinu
„Dapurlegt“ hve lítið heyrist í menntamálaráðherra