Hundruð manna flúðu fótgangandi í morgun frá Al-Shifa sjúkrahúsinu á Gasa eftir að forstjóri þess sagði að Ísraelsher hefði fyrirskipað að rýma ætti bygginguna. Á sjúkrahúsinu voru um 2.000 sjúklingar, læknar og fólk á flótta. 

Sást til flóttafólks, sjúklinga, lækna og hjúkrunarfræðinga leggja leið sína frá sjúkrahúsinu í átt að sjávarbakkanum á meðan háværar sprengingar heyrðust á svæðinu.  

Frétt af mbl.is

Fyrirskipa rýmingu sjúkrahússins

Enn fjöldi fólks á sjúkrahúsinu

Haft er eftir blaðamanni AFP að hann hafi að minnsta kosti séð 15 lík meðfram vegi þar sem einnig mátti sjá stórskemmdar verslanir og bíla á hvolfi.  

Í tilkynningu frá heilbrigðisráðuneyti, á vegum Hamas-hryðjuverkasamtakanna, segir að 120 særðir, ásamt ótilgreindum fjölda fyrirbura, séu enn á sjúkrahúsinu.  

Ísraelar hafa þrýst á hernaðaraðgerðir inni á sjúkrahúsinu og leitað að aðgerðamiðstöð Hamas sem þeir telja vera undir víðáttumikilli byggingunni. Vígamenn Hamas hafa hins vegar alfarið neitað því. 

Tengdar fréttir

Ísrael/Palestína

281 hjálparstarfsmaður drepinn á árinu

• Segjast hafa drepið fimm vígamenn
• Sakar dómstólinn um gyðingahatur
• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon

» Fleiri tengdar fréttir

• Blogga um frétt