Altman kominn til Microsoft

Microsoft hefur tilkynnt um ráðningu Sams Altmans, sem nýlega var rekinn sem forstjóri OpenAI sem þróar gervigreindarlíkanið ChatGPT.

Frétt af mbl.is

Forstjóra OpenAI sagt upp

Forstjóri Microsoft, Satya Nadella, skrifaði á samfélagsmiðilinn X að Altman „muni ganga til liðs við Microsoft og leiða nýtt, háþróað rannsóknarteymi gervigreindar”. Þar starfar hann við hlið Gregs Brockhmans, sem stofnaði með honum OpenAI, og fleiri fyrrverandi samstarfsmanna.

„Leiðangurinn heldur áfram,” skrifaði Altman á X.

OpenAI hefur skipað Emmet Shear, fyrrverandi framkvæmdastjóra streymisþjónustunnar Twitch sem er í eigu Amazon, sem nýjan forstjóra fyrirtækisins.

Emmett Shear. AFP/Steve Jennings

• Blogga um frétt