Góðar líkur á framlengdu vopnahléi
Setja bókamerki
Joe Biden Bandaríkjaforseti sagði í kvöld að frelsun gíslanna sem Hamas-samtökin tóku 7. október sé aðeins „byrjun“ og að góðar líkur séu á því að vopnahléið á Gasaströndinni verði framlengt.
„Ég held að líkurnar á því séu raunverulegar,“ sagði Biden spurður út í hugsanlega framlengingu vopnahlésins, þegar hann ræddi við blaðamenn í Nantucket í Massachusetts-ríki Bandaríkjanna í dag. „Þetta er bara byrjun, en hingað til hefur þetta gengið vel.“
Ísrael sleppti í dag 39 palestínskum föngum úr fangelsum í skiptum við þá 24 gísla sem Hamas-hryðjuverkasamtökin slepptu fyrr í dag. Næstu fjóra daga er gert ráð fyrir að um 50 gíslum verði sleppt úr haldi Hamas og að Ísrael láti 150 palestínska fanga lausa í heildina.
Vill „endurnýja“ tveggja ríkja lausnina
Biden hvatti til frekari tilrauna til þess að koma á frið og sagði þörf vera á því „að endurnýja okkar lausnir til þess að stefna að þessari tveggja ríkja lausn“.
Árás Hamas-vígamanna þann 7. október egndi til hefndarárása Ísraelsmanna á landi og lofti. Nú hafa um 15 þúsund manns verið drepnir á Gasa að sögn heilbrigðisráðuneytisins á Gasaströndinni, sem segir að þar af séu 6 þúsund börn.
Um 1.200 manns voru drepnir í árás Hamas-samtakanna, sem tóku einnig 240 gísla.
Viðræður ekkert þokast frá því á þriðjudag
Hentugt gos fyrst gýs á annað borð
Dómur þyngdur um þrjú ár
Litlar líkur á að hraunið nái til mannvirkja
Þarf að koma til móts við ólíkar þarfir lækna
Sólveig Anna furðar sig á aðferðum kennara
„Höfum sloppið bærilega með skaða af þessu gosi“
Hótar Bretum og Bandaríkjamönnum