Hamas fresta afhendingu gísla
Setja bókamerki
Hryðjuverkasamtökin Hamas hafa ákveðið að fresta afhendingu gísla sem þau ætluðu að frelsa í skiptum við lausn palestínskra fanga, þar til að Ísrael hefur staðið við sinn hluta af samkomulaginu, og hleypt hjálpargögnum inn á Norður-Gasa.
Ísraelsk stjórnvöld þvertaka fyrir meint brot á samkomulaginu um fjögurra daga vopnahlé, sem hófst í gær. Ísraelsher hótar því að útrýma Hamas þegar hléinu lýkur.
„Við munum snúa aftur samstundis þegar vopnahléið er búið og ráðast á Gasa,“ sagði Herzi Halevi hjá Ísraelsher við AFP-fréttaveituna.
50 gíslum verði sleppt úr haldi Hamas
Vopnahlé fyrir botni Miðjarðarhafs hófst í gær. Ísrael sleppti þá 39 föngum úr fangelsum, bæði í Ísrael og Palestínu, í skiptum fyrir þá 24 gísla sem Hamas-hryðjuverkasamtökin slepptu.
Ráðgert var að samtals yrði um 50 gíslum sleppt úr haldi Hamas og að Ísrael léti 150 palestínska fanga lausa.
Uppfært kl. 19.03: Rauði hálfmánin segir í færslu á samfélagsmiðlinum X að fulltrúum sínum hafi gengið vel að koma hjálpargögnum til Gasaborgar, á norðurhluta Gasastrandarinnar.
AFP fréttaveitan greinir frá því að fulltrúar Hamas hafi staðfest að fleiri gíslum verði slept í kvöld – 13 Ísraelsmönnum og 7 erlendum ríkisborgurum.
„Höfum sloppið bærilega með skaða af þessu gosi“
Líklega komin á seinni hluta hrinunnar í Svartsengi
Hótar Bretum og Bandaríkjamönnum
Litlar líkur á að hraunið nái til mannvirkja
Viðræður ekkert þokast frá því á þriðjudag
Hentugt gos fyrst gýs á annað borð
Dómur þyngdur um þrjú ár