Grunur leikur á um að írönsku byltingarverðirnir (IRGC) hafi staðið að drónaárás sem gerð var á flutningaskip í eigu Ísraela í gær. Þetta segir embættismaður hjá bandaríska varnarmálaráðuneytinu.

„Okkur er kunnugt um fregnir um að grunur leiki á að Shahed-136 dróni hafi hæft borgaralegt vélknúið skip í Indlandshafi að frumkvæði IRGC,“ sagði embættismaðurinn. Bætti hann því við að skipið hafi orðið fyrir minniháttar skemmdum og engin meiðsli urðu á fólki.

Árásin gerð vegna þess að Ísraelar eiga skipið

Öryggisfyrirtækið Ambrey metur ástæðuna fyrir árásinni vera sú að skipið sé í eign Ísraela.

„Skipinu var stjórnað af ísraelsku félagi, sem var metið ástæðan fyrir því að það var skotmark,“ segir í tilkynningu frá Ambrey.

Aðeins tæp vika er liðin síðan að Húta, sam­tök síja-múslima og upp­reisn­ar­menn í Jemen, náðu flutningaskipi og starfsmönnum þess á sitt vald en þeir töldu fyrirtækið sem átti skipið hafa tengsl við Ísrael. Húta-uppreisnarmennirnir eru studdir af írönskum stjórnvöldum.

Tengdar fréttir

Ísrael/Palestína

Rýming á Gasa fyrirskipuð á ný

• Forstjóri sjúkrahúss segist hafa verið pyntaður
• Danir ákæra níu fyrir að fagna hryðjuverkum
• Hamas engu nær því að samþykkja vopnahlé
• Tugum eldflauga varpað á norðurhluta Ísraels

» Fleiri tengdar fréttir

• Blogga um frétt