Skutu niður úkraínska dróna og eldflaugar
Setja bókamerki
Rússar segjast hafa skotið niður fjóra úkraínska dróna víðs vegar um Rússland auk tveggja úkraínskra eldflauga yfir Azov-hafi á leið til Rússlands.
„Loftvarnir eyðilögðu fjóra úkraínska dróna yfir yfirráðasvæði Bryansk-, Smolensk- og Tula-héraðanna,“ sagði varnarmálaráðuneyti Rússlands í yfirlýsingu. Rússland hafði einnig gefið út yfirlýsingu í nótt um að hafa skotið niður nokkra dróna nálægt Moskvu.
„Rússneskar loftvarnir fundu og eyðilögðu tvær úkraínskar eldflaugar á lofti yfir Azov-hafi,“ sagði í yfirlýsingu rússneska varnarmálaráðuneytisins í morgun. Á sama tíma sagði Úkraína að loftvarnir þeirra hefðu skotið niður átta rússneska dróna.
Þetta kemur í kjölfar drónaárásar Rússlands á Kænugarð í Úkraínu í gær sem úkraínsk stjórnvöld segja hafa verið þá stærstu á borgina frá upphafi stríðsins. Um var að ræða 75 dróna sem Rússarnir siguðu á Kænugarð með þeim afleiðingum að fimm særðust, þar á meðal 11 ára gömul stúlka, að sögn úkraínskra stjórnvalda.
Löng starfsævi Íslendinga styttist óðum
Hyggst skoða lög um nafnabreytingar
Hlutfallslega flestir fóru í Voga
Segir PISA-niðurstöðurnar endurspegla menntakerfið
Stafræna byltingin étur börnin sín
/frimg/1/50/63/1506351.jpg)
Halla komin „á hálan ís“ í auglýsingu Brimborgar
Myndband: Hnúfubakar komu fjölskyldu á bát á óvart