Samningaumleitanir standa nú yfir um gerð lista yfir þá sem eigi að sleppa úr haldi Hamas-hryðjuverkasamtakanna annars vegar og hins vegar úr haldi Ísraela.
Þetta herma heimildir frá skrifstofu Benjamíns Netanjahú, forsætisráðherra Ísraels. BBC greinir frá.
„Við vitum af því álagi sem fjölskyldur þeirra sem eru í haldi eru undir. Við munum veita frekari upplýsingar þegar þær liggja fyrir,“ er haft eftir heimildarmanni innan forsætisráðuneytis Ísraels.
Hamas segjast vera opin fyrir því að framlengja vopnahléið á Gasasvæðinu um tvo til fjóra daga en 17 gíslum þeirra var sleppt í gær. Ísraelsk stjórnvöld sögðust í kjölfarið hafa frelsað 39 palestínska fanga.